بيروت

يا مناظر عالشاشة
يا خدّاعة و غشّاشة
يا عروس بخشخاشة
يا مصمودة بالتابوت
يا ضيعانك يا بيروت

الخواطر مكسورة
و النفوس مقهورة
و الحرية مقبورة
و الكلام للنبّوت

الجهّال حاكمين
و الأرذال عايمين
و الأنذال عايشين
و الأودام عمّ تموت

الخاين حامل نيشان
و السافل إلو قدر و شان
و الجاهل شبعان رويان
و العالِم لايب عالقوت

ما في هيبة ولا وقار
بالأحكام إستهتار
وين ما مشيت لعب قمار
بالنوادي و البيوت
يا ضيعانك يا بيروت

الغريب بيتمخطر
و القريب بيتمرمر
و اللي بيفوت ما بيضهر
و اللي بيضهر ما بيفوت
يا ضيعانك يا بيروت

النبّوت هو العصا التي يضربون بها الناس
النيشان هو الوسام

لايب عالقوت أي محتاج للطعام