|
وجع مؤقت ولا أعوجاج دائم
* دخيلك يا حكيم
أسناني عم يأثرو على
راسي وهات يا وجع وقلق كل الليل ما عم نام
... بعد الفحص والتدقيق بالأسنان وملحقاتها تبين أن هناك سن أعوج معارض لأكثرية الأسنان . وجزء من اللثة متوافق معه وملتهب ولازم علاج ولكن بحذر , لأن وضع السن الأعوج حسّاس . * الحكيم : عندك سن أعوج ومعارض لأكثرية الأسنان ولازم نشيل الأكثرية ليزبط السن الأعوج. * بس يا حكيم كيف بدك تشيل أكثرية الأسنان ليزبط السن الاعوج؟ * شو ها لمعادلة الغير عادلة والمعطّلة لشؤون عمل الفم من مضغ وتسهيل هضم وبلع الطعام اللي بالتالي بتأثر على الدورة الدموية للجسم وبتقضي عليه ؟ * السن الاعوج شكله مستحكم باللثة وعصبه قوي . *كيف هيك يا حكيم معقولة؟ منخلع كل الاسنان السويّة السليمة عشان سن أعوج ؟ * ما في حل الا هالطريقة ليخف وجع راسك . ما سمعت المثل اللبناني اللي بيقول ( اللي ما بيجي معك روح معاه) كرمال يخف وجع الرأس بسرعة ولسلامة جسمك من تفشي الألم ببقية أجزاؤه. * لا يا حكيم , ما رح ضحّي بالأكثرية كرمال سن أعوج , مصيره بيوم يوقع لوحده وخاصة الجزء الملحق به رح يوصل الالتهاب لعصبه ويشل حركته و يضعف , كلها فترة قصيرة منتحمل وجع الراس مع حبة مسكن وشراب مهدئ للأعصاب... * وجع مؤقت ولا اعوجاج دائم .
|
