الفروقات الاورونجية

عم بحبش بتيابي لألبس لقيت بلوزة حلوة كتير بحبها اشتريتها من فترة قبل اختناق لبنان بالألوان واستحلال كل تيار للون فصرنا محكومين بحبنا وكرهنا للألوان بسببهم.

هالبلوزة لونها (أورانج) وبسبب عون أفندي كرهت الأورونج وكل مشتقاته، الجزر والبرتقال ويوسف أفندي مع أني كنت من عشاقه اليوسف أفندي بس الله يسامح اللي كان السبب ، اللي صابغ حالو بالأورونج من راسه لحذائه . بس لزيز ها طالع متل ريشة الوان مغموسة بالاورونج وعم تطرطش أورونج وهي وماشية على اللوحة ، وعون بيطرشق حكي  بيخجّل  فتحمر خدود الناس وتتحول للأورونج...

حاولت أتذكر شو بيشبه (هالعون) أتذكرت عصير الجزر اللي بيشبهه لحد كبير مع بعض الفرو قات الطفيفة لنتعرف عليها...

Ø   (طعمته)..... فالجزر طعمته حلوة سكرية و(عون ) بلا طعمة .

Ø   الجزر على رأسه برنيطة خضرا، و(عون) على رأسه بطحة بيخبيها بالبرنيطة.

Ø   الجزر سهل العصر والهضم وعون ما بينهضم ولو عصروه.

Ø   الجزر فيه العديد من الفوائد وخيره فيه وعون بلا فائدة وخيره لغيرو.

Ø   الجزر يتكاثر وعون ينقرض .

نرجع لموضوعنا

لو بعرف رح يتحول الأورونج ملك خاص

 ما خسرت مصاري ودفعت سعر بلوزة أغلى من سعر عون، وأخرتها( (للكب)

عقبال عون..