|
عمال سوريون في كل مكان إعداد باسم الجمل ـ قناة العربية أينما تذهب في لبنان ترى العمال السوريين، تراهم في المصانع، في المحال التجارية، في المزارع، يرصفون الشوارع. سائقو تكسي، حراس مبانٍ، وآخرون يعملون باعة للقهوة للراغبين لها في الشوارع، وأشياء كثيرة أخرى تشمل كافة مناحي الحياة في لبنان، بمعنى تراهم يقومون بكل الأعمال التي يرفض العامل اللبناني القيام بها لأسبابه الخاصة، الكثير من العمال ممن حاولنا التحدث إليهم أنظر في عملهم ومعيشتهم تمنّعوا عن الاستجابة، فلم يكن سهلاً إقناع أي عامل للحديث معنا عن ظروف عمله خاصة في ظل تداعيات استشهاد رئيس الوزراء السابق رفيق الحريري الذي راح غيلة بتفجير سيارة بموكبه، وعند الحديث إلى العمال تستشعر بالرعب في النفوس، ويبدو أنه لديهم خوف مركب يمنعهم من الحديث حتى ولو في أبسط الأشياء التي تخصهم، وعلى الرغم من ذلك فإن البعض منهم تجرّأ على هذا الخوف واخترق حاجز الرعب الذي يلفّ النفوس بفعل عوامل كثيرة سواء كانت أمنية أم سياسية.
أسرة من تسعة أشخاص في غرفة واحدة أبو مروان عامل سوري من القامشلي يعمل حارساً لإحدى البنايات في حي مار الياس في بيروت منذ أربع سنوات، يقول: إنه كانا مكتفياً بعمله رغم شح الأجرة التي يحصل عليها، لكن بعد اغتيال الحريري قرّر مغادرة بيروت تحسباً من القادم المجهول الذي يخاف منه. أبو مروان: بدك الصراحة نحنا متل ما قالوا خايفين شوي، إي، يعني هلأ الجو اختلف يعني، من يوم اللي استشهد المرحوم الرئيس الوزير الحريري تغير الجو يعني. باسم الجمل: أنت حسيت بالتغير فيه؟ أنت كشخص؟ أبو مروان: والله ما حدا يعني متل ما قال سمّعنا أي كلمة أو شي بس نحن شوي يعني فيه خوف يعني ، إي الواحد بيخاف. باسم الجمل: طيب يعني الإنسان بيخاف بطبيعته صح، هل أنت يعني فيه سبب للخوف لحدّ الآن ما فيه؟ ولاّ يمكن تتوقّع إنه يمكن يصير؟ أبو مروان: والله عم نتوقع إنه بيصير، ونحن هلأ رايحين، يعني هلأ بالنسبة إلي يعني بس بظبّط أموري بدّي أروح، أروح على بلدي.
باسم الجمل: يعيش أبو مروان مع أفراد عائلته السبعة في
غرفة واحدة لا تزيد مساحتها عن التسعة أمتار مربع، فيها ينامون وفيها يأكلون، أما
كيف يتدبّرون الأمر فهذا متروك لقدرة الإنسان على التكيف مع المصاعب، وانعدام
البدائل الأخرى. باسم الجمل: وضع سبعة أفراد في مكان ضيّق لا بد وأن يحدث تأثيراً على نفسية البعض منهم، طاهر الابن الأصغر لأبي مروان ذو الثمانية أعوام يشعر بالخجل عند الحديث، ربما ضيق البيت يولّد ضيقاً آخر في النفس، خاصة لدى طفل لما يرى الحياة بمفاعلها بعد، يحتاج إلى عالم أوسع كما الأطفال كلهم، إلا أن عالمه محصور في مساحة صغيرة ومع آخرين ولا مفرّ من هذا العالم.
اغتيال الرئيس رفيق الحريري ألقى بظلل
كثيفة على كل لبنان، وشمل كل مناحي الحياة، وكأن الحياة هناك انطوت خلف الأبواب
تحسباً من المجهول وخوفاً على المصير المرتقب، فلم تعد الحياة كما كانت، الناس
يفضلون البقاء في البيوت وقلّت رغبتهم في التسوّق إلا للضروري، الكثير من المحال
التجارية أغلقت أبوابها أو تكاد تعلن الإغلاق، وهذا يشمل العمال السوريين أيضاً
الذين بدأ البعض منهم في العودة إلى سوريا خوفاً على حياتهم.
إبراهيم: أنا كنت بدّي صفّي قبل وفاة الحريري، لما مات الحريري الشغل صار يتعب بزيادة، صرنا نصفّي وصرنا نسمع مشاكل ضرب عالسوريين وهالشي هادا، الناس صارت تترك كلياتها وتروح وصرنا قاعدين نصفّي بالأكتر يعني بالمحل، يعني لما تكون القطعة بـ25000 صرنا نبيعها بـ12000. باسم الجمل: يعني بخسارة بتبيعها؟ إبراهيم: إي لأنك عم تصفّي المحل بأي شي، زيادة المشاكل اللي عم تصير والتفجيرات اللي ردت صارت بعد وفاته صار الوضع بيخوّف كتير بالبلد.
بائع خضار
سوري يعيش في لبنان: يعني قبل كان شي منيح يعني هلأ الأوضاع تعبانة شوي. بائع خضار سوري يعيش في لبنان: والله من عند موت السيد الرئيس الحريري يعني الأوضاع هيك تعبانة شوي يعني خفيف. باسم الجمل: طيب ليش؟ بائع خضار سوري يعيش في لبنان: والله ما بعرف. باسم الجمل: يعني الناس بطّلوا يشتروا؟ بائع خضار سوري يعيش في لبنان: والله خفت يعني هي أكل وشرب يعني غير اللبس وغير العيال يعني هاي إجباري هاي.
باسم الجمل: طيب يعني من أول كانوا
الناس يجوا عليك هلأ بطّلوا مثلاً يشتروا؟ رجل سوري يعيش في لبنان: نسمع أخبار إنو في مقتل طلع بصبرا، سمعنا بمقتل بجسر المطار، فيه ناس تعرّضوا لمشاكل، ناس هيك حسب المنطقة اللي عايش فيها الإنسان يعني واللي حوليه العالَم.
اسم الجمل: يبدو أن إشاعات تهديد العمال السوريين وتعرضهم للقتل أو الضرب قد
فعلت فعلها لدى الكثير من العمال فقد عاد الآلاف منهم إلى سوريا والبعض الآخر يستعد
للعودة، رغم التحقق من حقيقة هذه الشائعات هل تعرّض العمال للضرب فعلاً؟ هل تعرّضوا
للإهانة أو للقتل؟ اخترنا شارع صبرا المؤدي إلى مخيم صبرا للاجئين الفلسطينيين الذي
اشتُهر بالمذبحة التي ارتُكبت بحق سكانه قبل ثلاثة عشرين عاماً من قبل قوات
الاحتلال الإسرائيلي أيام غزوها للبنان، اخترنا ذاك الشارع لكثرة العمال السوريين
فيه سواء من الذين يسكنون في المخيم أو للذين يعملون في الشارع، هذا الشارع يعجّ
بالعمال السوريين وغيرهم وهنا يمكنك ملامسة بؤس الحياة ومُرّ العيش الذي يعيشه سكان
هذا الشارع وعامليه. عبد: العامل السوري كان هو يشتغل يوميته 15 ألف - 20 ألف، ما في واحد هون إلا عنده رصيد بمحلّ متديّنه من باقي التجار ليتعيّش من هالبضاعة من هالمحلات.. يطلّع مصروفه ومعيشته يعني على حسب الوضع اللي نحنا عايشين فيه هون، بس تفاجأنا إنه هلأ بهالصدمة هي ووضع البلد ما عاد يستقرّ أغلب عمالنا وتجارنا طبعاً التجار الصغيرة ما عم بحكّيك أنا كتجار كبيرة يعني تجار صغيرة اللي مستأجرة محل معبّيه بضاعة من هالتجار الكبيرة عم يصفّيها بربع القيمة بس لحتى يؤمّن حاله ويسافر على البلد.
محمد البركة (مزارع
لبناني): خيّ في ناس عم تلعب دور، طابور خامس يعني مش الـ.. فيه ناس عم يتهجموا
عليهم في بعض مناطق، إي عم يفلّوا في كتير عم يفلّوا، وهذا مضرة إلنا لأنه شو خصه
العامل السوري؟ نحن مع الاستقلال ومع الواحد بس العامل السوري ليش بدّن يعملوا فيه
هيك؟ السيارات عم ينهبوا لهن إياها، بيوت قاعدين فيها عم ينهبونها لشو يعني هالقصص
هيدي؟ هيدي مش حرام؟ شو خصّه؟ بدّن الدولة السورية فلّت والأجهزة المخابرات فلّوا
عم
يفلّوا، شو خصّه هيدا العامل؟ باسم الجمل: هذا الخوف والتوتر يمكن تلمّسه أو تحسّسه من غالبية الناس هنا، وأم العبد هي من الشريحة الأكثر قهراً وتضرراً من الوضع، هي مَعلم من معالم هذا الشارع أو الحي - إن شئت - الذي يؤمّه غالبية البؤساء وعندما تريد أم العبد قول شيء ما، مَا عليك إلا الإنصات، وهذا ما أرادت أن تقوله. أم العبد [تصرخ]: هيدي عيشتنا، عذاب، عم نموت، صفّوا دمنا بعد شو بدّن؟ حرب؟ حرب؟ قبلانين بالحرب بس يزحّطوا عنّنا، يزحّطوا عن وطننا، هيدا لإلنا هنّه أميركان، نحن أولاد وطن، الوطن إلنا.. الوطن إلنا.. الوطن إلنا.. مش للخاينين.. مش للرؤسا لإلنا.. لإلنا الوطن.
باسم الجمل: لم ينقطع دوماً وجود عمال سوريين في لبنان
منذ خمسينيات القرن الماضي، لكن هذا الوجود اكتسب زخماً أوسع منذ بداية سنوات
التسعينيات من القرن الماضي عقب توقّف الحرب الأهلية وتوقيع اتفاق الطائف الذي
راعته سوريا، وقد مهّد ذلك لتدفّق عدد كبير من العمال السوريين إلى لبنان، لكن لا
أحد يستطيع تحديد إحصاء دقيق لهذا العدد. باسم الجمل: لكن لماذا يضطر العامل السوري إلى القدوم إلى لبنان والقبول بظروف عيش متدنّية مع أجر متدنٍّ أيضاً؟
أم محمد نموذج معاناة العمالة السورية أم محمد عاملة سورية من منطقة حلب تعمل في الزراعة منذ أربع سنوات هي وعدد من أولادها السبعة إضافة إلى أولاد لزوجها، كلهم يعملون في إحدى المزارع جنوب بيروت. أم محمد: حالتنا ضعيفة شوي يعني ما في رزقة، ما حد طالع من العيلة، بيت واحد، نشتغل هون ونعيّش الأولاد هنيك، مابو (لا يوجد) مادية يعني نعمل بيوت ونطلع كل واحد لحاله، بيت واحد عايشين. ابنة أم محمد: عندي بنت واحدة. باسم الجمل: أدّيش عمرها؟ أم محمد: ثلاث سنين. باسم الجمل: وين بتروحي ببنتك؟ أم محمد: بنتي مخلّيتها عند بيت عمي بسوريا وأنا وجوزي عم نشتغل هون وبنت عمي، والله أحياناً كل ثلاث أشهر أربع أشهر بروح شق عليها مرة. باسم الجمل: بتوعى بنتك؟ عارفة إنك هون؟ أم محمد: إي عرفانة بتحكي معي وكل شي بتعرف إنّي هون. باسم الجمل: وقدرتي تتركيها؟ أم محمد: ما بدنا نعيش؟ باسم الجمل: وكي تعيش تعمل أم محمد ومنى طوال اليوم مقابل أجر لا يزيد عن الخمسة دولارات لكل منهما، وأم محمد هي واحدة من ثلاث زوجات ولها سبعة أولاد، أصغرهم طفلة تبلغ من العمر سنة ونصف تراها مرة في السنة، الزوج أبو خالد له من الأولاد سبعة وعشرون من نسائه الثلاث، وكل عدة شهور يأتي أبو خالد ذو السبعين عاماً إلى لبنان ليجمع ما حصلت عليه زوجته وأولاده, ويعود به إلى حلب، حال أم محمد هو نفس حال حمود وأخيه وعائلتيهما يعملان في الزراعة أيضاً ويعيشان فيما يشبه العرائش الملفوف ببعض البلاستيك للوقاية من البرد والمطر، ورغم ذلك تخفق رياح الشتاء بها، لكن لا بديل عن ذلك عند حمود. ويبدو أن استعداد العامل السوري للعمل بأجر أقل من مثيله اللبناني ورغبة أصحاب العمل اللبنانيين بتحصيل ربحٍ أقصى جرّاء ذلك، سهّل استيعاب مئات الآلاف من العمال السوريين في السوق اللبناني إضافة إلى استنكاف العامل اللبناني عن القيام بنفس الأعمال التي يقوم بها السوري أو قبول نفس الأجرة. محمد البركة (مزارع لبناني): يا خيّي بياخذ نسبة أقل من اللبناني يعني في مضاربة عرفت كيف؟ اللبناني إذا بدك تشغّله ما بيشتغل بهالنسبة اللي عم يأخذها العامل السوري، ونحن خاصة المزارعين آكلينها من كل الجناب، إذا بدنا نعمل هيك ما بتوفّي وكل شي مضروب من.. القطاع الزراعي عنا مضروب كتير، يعني أي شغلة بتصير عنا هون بلبنان كأي منطقة كانت نحن نتضرر أول شي المزارعين، هلأ متل عنا هلأ الأسواق تعبانة صارت كل شي من هالوضع، ويعني عم نشتغل يعني إذا منحطّ عامل لبناني ما بتوفّي معنا وهلأ مش عم توفّي معنا.
عامل سوري (سوق الخضار): إذا بيفلّ
العامل السوري من سوق الخضراء بتنشلّ الحركة. عامل سوري (سوق الخضار): إي، ولأنه هلأ في نصف من العمال فالل هاي الخُضرة قدامك بقيانة بالأرض وحتى شغيلة ما في، أنا بتمنى لبناني سوري يجي يشتري مني البضاعة هون بسوق الحسبة، مين ما كان يكون لبناني سوري مين ما كان يكون يجي يشتري البضاعة أحسن ما عم كبّها، قفص السبانخ عشرة كيلو بألف ليرة عم نبيعه، جيب عامل ليوضّب لك إياه من الأرض من الصحراء بيأخذ توضيب القفص ألف، عم جيبه عم يدفع أجاره وعتالته ومعلومه وعم نبيع له ياه بألف، عم يخسر من جيبته اليوم 500 ليرة اليوم المزارع.
باسم الجمل: هذه الأسباب التي تمنع العامل اللبناني من العمل بنفس الأعمال التي يقوم بها العامل السوري جعلت محمد يعتمد كلياً على جهود حمود وأخيه وعائلتيهما، وأنه بدونهما لا يستطيع إنتاج أي شيء، هما يزرعان وهما يقطفان المحصول وهما ينقلانه أيضاً إلى سوق الحسبة لتسويقه، وفي الحسبة تشاهد مزاجاً آخر عن مزاج الشارع العادي تقابل أناساً كل همهم العمل وكسب العيش، ولا تعنيهم السياسة إلا بالقدر الذي توفّر فيه الهدوء اللازم لكسب عيش كريم. أبو فؤاد (مفتش بالتربية والتعليم): العامل السوري شو إله علاقة نحن بالموضوع لحتى نظلم عامل سوري، عامل سوري عم يساعدنا بأعمالنا الزراعية وبأعمال البناء وبكل شي وإذا لا سمح الله راح العامل السوري من هون بيكون بيصير في عنا نقص يعني بيزيد وضعنا الاقتصادي.. هوّ سيئ بيزيد سوء أكتر وهذا اللي عم نقوله. باسم الجمل: من كل العمال السوريين الذين التقيناهم لم نسمع أياً منهم اشتكى أنه تعرض لأذى أو لمضايقة أو أنه هُدد، والكل أجمع أنهم سمعوا عن أحداث وقعت مع غيرهم دونما التأكد من وقوع شيء إلا من حادثة قيل لنا من عمال سوريين قد تعرضوا لحرق ما يطلق عليه جوازاً "بيت" في منطقة الشويفات، ذهبنا هناك للتحقق. هذا ما وجدناه آثار عريشة محروقة وبيت مهجور تطرقه الرياح، وعند استفسارنا من سكان الحي قالوا: إن أولاداً حرقوا المكان بعد أن هجره ساكنوه. شاهد عيان: خيّي كان في أولاد عم يلعبوا بقلب الخيمة لا قصة سوريين ولا كان فيها سوريين هاي الخيمة، صار في شوية لعب فرقيع وما فرقيع ولّعت الخيمة، بس ونحن جينا طفيناها، لا كان في حدا ولا شفنا حدا. باسم الجمل: العمال اللي كانوا وين راحوا؟ شاهد عيان: العمال فلّوا من زمان. باسم الجمل: قبل ما ينحرق. شاهد عيان: إي صحيح بالظبط. باسم الجمل: طيب ليش فلّوا؟ شاهد عيان: ما بعرف هذا الشي راجع لإلهن ما فينا نحكي فيه ونتدخل فيه. باسم الجمل: لا يحسد عاقل وضع العمال السوريين وظروف معيشتهم، لكنها بالنسبة لهم أهون الشرين، فإن لقمة عيش وإن كانت مرة وعسيرة على المنال إلا بكد وتعب أفضل من حياة الكسل والفقر وضياع اللقمة بعينها، وفي نهاية الأمر فإن تداعيات اغتيال الرئيس رفيق الحريري وضعت العامل السوري ورب العمل اللبناني في مكان المطالب بمعرفة الحقيقة التي نغّصت عليهم عيشهم حتى تعود الحياة إلى العيش الحلو. |
