صبري نفذ

أنا غيّرت رأيي , وغيّرت أقوالي.

ليه...!!!
هيك...

كيف هيك يعني ؟ شو عم نلعب نحنا؟

أي عم نلعب....و مش عاجبتني اللّعبة.

اها ... والحكي اللي حكيناه , والاتفاق اللي اتفقناه , والقرار اللي أخذناه سوا ...!!

خلص بطّلت , اعتبره حكي نسوان ... وقررت العب لحالي. هيك بضل أنا الغالب والمنتصر.

بدك تلعب لحالك اصطفل بس ما ترجع بعدين تندم وتقلي بدي فوت باللعبة؟

لا لا خلص أنا كسرت ايدي اللي وقّّعت معكم النقاط السّبع, وحطيت إجري ببطنِ امبارح ولبطته.

أي أنت حُر ... بس ما رح يطلعلك شي هيك.

بيطلعلي
كيف ؟

بضل حركش فيكم على الرّواق وخربط الأوراق لحتى تقلب الطاولة والكراسي على روسكم.

يعني معقولة تلعبوا بدوني؟.

ما أنت اللي تركت اللعبة .

أي تركتها بس ما رح خليكم تتهنّوا.

يا بتخلوني أغلبكم يا رح ضل إفتن وخوّنكم واتهمكم لأنه  صبري نفذ.

اي صبري نفذ بجلده في الرئاسة , بس ما رح ينفذ من المحكمة !!!!!!!!

رح قلك متل ما قلنا لحلفائكم.

وحياة اللي راحوا ما رح تربحوا

أعلى الصفحة