مش رح بلّط البحر

| مش رح بلّط البحر لأنه البلاط غالي هالأيام

| مش رح بلط البحر لأن في ناس بتعيش من رزق البحر وما بحب أقطع رزق حدا

| مش رح بلط البحر لأن في ناس بتصطاد بالمي العكرة

| وبخاف يصطادوا بلاطي ويكسروه ليمدوا أساطل مي للخيام

| يا أستاذ والله بحبك خليك على الشط وابعد عن البحر

| البحر غدار و" القرش " بياكل حتى ولاده

| بعتت مرّة رسالة للسيد " قرش " بزجاجة ورميتها بالبحر .. مضمونها
يا سيد قرش

| شايف البحر شو كبير....كبر البحر ظُلمَك والله بدي حبّك

| بس أنت مش معطيني فرصة...لحبّك

| كل يوم بقول لازم أرجع حبك من منطلق وطني

| بتتكرر أخطاءك وما بقدر .. أحبك

|  برجع بقول انا خطأ ولازم أحبك كونك ...ابن بلدي

|  بس عم تفرجيني نجوم الليل بعز الظهر

| طيب كيييييييييف بدك اياني أحبك ؟

| طيب بلاش حب

| يكون احترام

| كمان مش عم تتصرف باحترام لإحترمك

| يا خيي ... بدنا نعيش سوا غصب عنني وعنك , إن عجبتني أو ما عجبتني وإن عجبتك أو ما عجبتك

| ليك.... تعا نتفق على شغلة

| نحب لبنان

| لما نحب لبنان ...رح نتقبّل بعض ونحترم بعض

| وإلا ... رح يلبطنا البحر كلنا سوا

أعلى الصفحة