طاولة الحوار التي تتنقل من أرض لأرض بعد ما هجرها اللبنانييون في لبنان أصبحت محل تندّر المواطنين عبر البرامج المتنوّعة التي تبثها بعض المحطات الإذاعية أو التلفزيونية....
-
ألو
-
بونجور اهلين مدام
-
شكرا على هالبرنامج الحلو اللي بيفش الخلق عبكرة الصبح.
-
شكرا كلك ذوق ... قليلي شو طبختي اليوم مدام ؟
-
مش فاضية أطبخ عم تابع برنامجك اللي بيجنن بيطير العقل.
-
ميرسي مدام بس انتبهي على عقلك هاهاهاهاهاها
-
ولا يهمك بعته من زمان لما اتزوجت زوجي هيهيهيهيهيهيهي
-
شو قولك , ماذا تتوقعين من لقاء سان كلو ؟ هل في رابح وخاسر ؟
-
ما فرقت هيدي الطاولة عن غيرها و ما حدا خاسر إلا لبنان , وكلهم ربحانين بهالرحلة الاستجمامية. قاعدين باوتيل فخم ومقضيينها جلسات ترويقة وغدا وعشا على حساب الوطن .
-
هيدا الأمر بديهي شو بدك اياهن يتحاوروا وبطونهم فاضية ؟
-
يعني الحوار ما كان بيصير بلبنان ؟ أو الاجواء الباريسية بتفتح نفسهم على الحوار ؟ بيهمنا يملّوا عقولهم قبل بطونهم لأنه شبعنا حكي فاضي ,وكلنا جوعانين للخلاص من هالحالة التعبانة.
-
طيب بشكرك مدام على صراحتك وجرأتك ووصل صوتك اللي هو صوت كتار من اللبنانيين , بس ما قلتيلي شو رح تطبخي اليوم ؟
-
عم فكر اتصل بالمطعم السعودي الإيراني للأكلات السورية.
