ما تخاف يا وطن ، عنا رجال بيزرعوا الخوف بين أبناء الشعب
عنا قبضايات فوق القانون
عنا أسلحة بكل بيت .
عنا تعبئة مذهبية ومشاعر كُره متضخمة.
عنا تدهور افتصادي وسياحي ومعيشي.
عنا الاكتئاب والياأس والقلق وكوابيس سياسية بنوم وبدون نوم.
ما تخاف يا وطن ، عنا استحقاق رئاسي جاري على أحسن ما يرام
ولو تأخر عن موعده شهور ..!!
عنا أمن واستقرار ومخيّمات لحراسة السراي من أي ضرر.
عنا احساس بالمسؤولية تجاهك أن لا تنتهي أو تموت ولو حصل فوضى وهجرة وحرب أهلية مرينا فيهم سابقا ولم نتعلم ، لربما هذه المرة نتعلم ،، احيانا نحتاج لأكثر من صفعة قاتلة لنفهم الدرس جيّدا.
ما تخاف يا وطن ولو صار نصف الشعب اللبناني شهداء والنصف الآخر مهجّرين.
ما تخاف يا وطن طالما مات " الخوف " على الوطن