قصة مهضومة بتصير معي بالاسبوع تقريبا ما بين مرتين وتلات مرات.
بيدق الباب ، بلاقي شخص حامل بيده جريدة للمقاومة أو صورة للسيد نصر الله او الأستاذ بري أو مجلّة او كتاب بيحكي عن الحزب .
القصة مش هون
القصة أني بكل مرة بشكره وبعتذر عن الشراء..
وكل مرّة بشوف علامات التعجب والإستنكار على وجه هذا الشخص تصاحبه احيانا بعض الكلمات مثل (هيدي صورة السيد) ما بدّك اياها ؟ والف علامة سؤال على وجهه كيف انا برفض شراء الصورة او الكتاب او أو ....
ومرة بيصمت وبيمشي وهو متجهم الوجه.
ومرّة بيكرر كلامه وكأني ما سمعته انه هالكتاب عن السيد ...
ومرّة بيقلي سعره مش غالي فقط 1000 ليرة فبقله يا اخي ما بدي فبيرجع بيحاول معي على اساس السعر مش غالي.
كل مرة اواجه هالامر وببتسم بوجوههم الغير مصدّقة وعلامات الدهشة تعلوها بأني أرفض الشراء.
يعني مش فهمانة اذا صورة السيد او كتاب عنه او جريدة للمقاومة لازم يعني نشتريها؟؟ انه يعني غريبة نرفضها مثلا؟؟ او شو بالضبط؟.
بس انا بوعدهم بيوم فشلهم خلقهم مرّة واشتري منهم ..... جريدة صباح الوطن